Американинг Time журнали талқинига кўра Кореянинг BTS гуруҳи йил хонандалари, деб топилди. Нашрнинг маълум қилишича, гуруҳ 2020 йилда карьераси давомида мусиқа ва бизнес борасида рекорд қўйган, деб ёзади «РБК».
2013 йилда Жанубий Кореянинг Big Hit Entertainment компанияси томонидан ташкил қилинган гуруҳ 7 нафар ижрочи: RM (Ким Нам-Жун), Чин, Сюга, Жей-Хоуп, Чимин, Ви ва Чонгукдан ташкил топган.
Тўлиқ номи Beyond The Scene бўлган гуруҳ кей-поп, хип-хоп, R&B ва EDM жанрида қўшиқ куйлайди.
Пандемия вақтида ҳам янги ижод намуналарини тақдим қилган гуруҳ Billboard Chart’да етакчилик қилган ҳамда онлайн концерт беришга муваффақ бўлган.
https://www.youtube.com/watch?v=7dJA7yPWUrs
2020 йилнинг июнида бўлиб ўтган Bang Bang Con: The Live номли концертни 765 минг мухлис экран ортидан томоша қилган.
https://www.youtube.com/watch?v=eqOnRB9_034
Аввалроқ Жанубий Корея ҳукумати кей-поп юлдузларининг армияга боришини кечиктиришга рухсат бергани ҳамда BTS гуруҳи таркибини яна 2 йилга сақлаб қолиши мумкинлиги ҳақида хабар берилганди.
Изоҳ (0)