Ушбу рецепт асосида тайёрланган ширинлик нафақат байрам дастурхони кўрки, балки болажонлар учун ажойиб совғага айланади. Агар пиширишдан аввал улар тешиб қўйилса, арчага ҳам илиш мумкин.
Керакли маҳсулотлар:
- Ун − 190 грамм;
- Қабартма (разрихлител) − 1 чой қошиқ;
- Занжабил кукуни − 3/4 чой қошиқ;
- Истеъмол содаси − 1/4-1/2 чой қошиқ;
- Долчин кукуни − 1/2 қошиқ;
- Чиннигул кукуни − 1/4 чой қошиқ;
- Мускат ёнғоғи кукуни − 1/4 чой қошиқ;
- Кардамон кукуни − 1/4 чой қошиқ;
- Сариёғ − 5 ош қошиқ;
- Жигарранг шакар − 100 грамм;
- Асал − 110 грамм;
- Сут − 1 чой қошиқ;
- Крахмал − 1 чой қошиқ;
- Шакар упаси − 4 ош қошиқ.
- Туз.
- Ун, қабартма ва истеъмол содаси яхшилаб аралаштирилади. Туз ва зираворлар қўшилади.
- Юмшатилган сариёғ шакар билан миксер қилинади. Устидан асал қўшиб, яна аралаштирилади.
- Унли ва сариёғли аралашма қўшиб, миксер қилинади. Хамир ҳолига келганидан сўнг думалоқланиб, музлаткичга 1 соатга қўйилади.
- Печ олдиндан 160 даражада қизитилади. Хамир, тахминан, 6 миллиметр қалинликда ёйилади. Одамча қолипи ёрдамида хамирдан турли хил одамча шакли кесиб олинади. Яна 10 дақиқага музлаткичга қўйилади.
- Кейин печда 7-9 дақиқа давомида пиширилади.
- Глазур учун шакар упаси, крахмал ва сут аралаштирилади. Қўшимча тарзда ранг ҳам қўшиш мумкин.
- Аралашмадан қандолат сиқма халтачаси ёрдамида ширинликлар устига юз кўриниши ва либосларини чизилади.
- Глазур қотиши учун ширинликлар 20-30 дақиқага қолдирилади.
- Тайёр бўлганидан сўнг дастурхонга тортиш мумкин. Ёқимли иштаҳа!
Изоҳ (0)