Ushbu retsept asosida tayyorlangan shirinlik nafaqat bayram dasturxoni ko‘rki, balki bolajonlar uchun ajoyib sovg‘aga aylanadi. Agar pishirishdan avval ular teshib qo‘yilsa, archaga ham ilish mumkin.
Kerakli mahsulotlar:
- Un − 190 gramm;
- Qabartma (razrixlitel) − 1 choy qoshiq;
- Zanjabil kukuni − 3/4 choy qoshiq;
- Iste’mol sodasi − 1/4-1/2 choy qoshiq;
- Dolchin kukuni − 1/2 qoshiq;
- Chinnigul kukuni − 1/4 choy qoshiq;
- Muskat yong‘og‘i kukuni − 1/4 choy qoshiq;
- Kardamon kukuni − 1/4 choy qoshiq;
- Sariyog‘ − 5 osh qoshiq;
- Jigarrang shakar − 100 gramm;
- Asal − 110 gramm;
- Sut − 1 choy qoshiq;
- Kraxmal − 1 choy qoshiq;
- Shakar upasi − 4 osh qoshiq.
- Tuz.
- Un, qabartma va iste’mol sodasi yaxshilab aralashtiriladi. Tuz va ziravorlar qo‘shiladi.
- Yumshatilgan sariyog‘ shakar bilan mikser qilinadi. Ustidan asal qo‘shib, yana aralashtiriladi.
- Unli va sariyog‘li aralashma qo‘shib, mikser qilinadi. Xamir holiga kelganidan so‘ng dumaloqlanib, muzlatkichga 1 soatga qo‘yiladi.
- Pech oldindan 160 darajada qizitiladi. Xamir, taxminan, 6 millimetr qalinlikda yoyiladi. Odamcha qolipi yordamida xamirdan turli xil odamcha shakli kesib olinadi. Yana 10 daqiqaga muzlatkichga qo‘yiladi.
- Keyin pechda 7-9 daqiqa davomida pishiriladi.
- Glazur uchun shakar upasi, kraxmal va sut aralashtiriladi. Qo‘shimcha tarzda rang ham qo‘shish mumkin.
- Aralashmadan qandolat siqma xaltachasi yordamida shirinliklar ustiga yuz ko‘rinishi va liboslarini chiziladi.
- Glazur qotishi uchun shirinliklar 20-30 daqiqaga qoldiriladi.
- Tayyor bo‘lganidan so‘ng dasturxonga tortish mumkin. Yoqimli ishtaha!
Izoh (0)