Ўзбекистон халқ шоири Тўлан Низом 82 ёшида оламдан ўтди. Бу ҳақда «Дарё»га Ўзбекистон ёзувчилари уюшмаси Андижон вилоят бўлинмаси мутахассиси Сардорбек Қосимов маълум қилди.
Тўлан Низом 1938 йил 17 августда Андижон вилоятининг Бўз (ҳозирги Бўстон) туманида таваллуд топган бўлиб, Андижон давлат педагогика институтининг ўзбек тили ва адабиёти факультетини тамомлаган. Меҳнат фаолиятини ўқитувчиликдан бошлаган. Ўзбекистон Ёзувчилар уюшмаси Андижон вилоят бўлими масъул котиби, педагогика билим юрти директори вазифаларида ишлаган.
Ижодкорнинг илк шеърий тўплами «Сенинг эртакларинг», деб номланган бўлиб, 1970 йилда нашр этилган. Ижодкор ўттизга яқин достон яратган.
Тўлан Низом Ўзбекистон халқ шоири унвони, «Меҳнат шуҳрати» ва «Эл-юрт ҳурмати» орденлари билан тақдирланган.
Изоҳ (0)