O‘zbekiston xalq shoiri To‘lan Nizom 82 yoshida olamdan o‘tdi. Bu haqda “Daryo”ga O‘zbekiston yozuvchilari uyushmasi Andijon viloyat bo‘linmasi mutaxassisi Sardorbek Qosimov ma’lum qildi.
To‘lan Nizom 1938-yil 17-avgustda Andijon viloyatining Bo‘z (hozirgi Bo‘ston) tumanida tavallud topgan bo‘lib, Andijon davlat pedagogika institutining o‘zbek tili va adabiyoti fakultetini tamomlagan. Mehnat faoliyatini o‘qituvchilikdan boshlagan. O‘zbekiston Yozuvchilar uyushmasi Andijon viloyat bo‘limi mas’ul kotibi, pedagogika bilim yurti direktori vazifalarida ishlagan.
Ijodkorning ilk she’riy to‘plami “Sening ertaklaring”, deb nomlangan bo‘lib, 1970-yilda nashr etilgan. Ijodkor o‘ttizga yaqin doston yaratgan.
To‘lan Nizom O‘zbekiston xalq shoiri unvoni, “Mehnat shuhrati” va “El-yurt hurmati” ordenlari bilan taqdirlangan.
Izoh (0)