Футбол бўйича Европа Чемпионлар Лигасининг Г ва Ҳ гуруҳларида 8 декабрь, сешанба куни сўнгги тур ўйинлари бўлиб ўтди.
«Барселона» ўз майдонида «Ювентус»ни қабул қилди. Унда Криштиану Роналдунинг дубли ва Уэстон Маккеннининг голи туринликларга йирик ҳисобдаги ғалабани тақдим этди. «Дарё» ушбу учрашувни матнли трансляция қилди.
Шу тариқа «Ювентус» ва «Барселона»нинг очколари тенг келиб қолди. Ўзаро ўйинлардаги (биринчи ўйин — 0:2) устунлик «Ювентус»да бўлгани сабаб туринликлар биринчи ўринни қўлга киритди.
Киевнинг «Динамо»си ўз уйида «Ференцварош»ни мағлуб этган ҳолда, Европа Лигаси йўлланмасига эга бўлди.
H гуруҳида «Манчестер Юнайтед» жамоаси «Лейпциг» майдонида меҳмон бўлди. Учрашувнинг 2-дақиқасидаёқ Анхелинё немисларни олдинга чиққан бўлса, орадан кўп ўтмай Амаду Айдара мезбонларнинг иккинчи голини урди.
Жастин Клювертнинг 69-дақиқадаги голидан кейин ҳисоб йирик кўриниш олди. Сўнгги ўн дақиқаликда инглизлар Буруну Фернандеш ва Пол Погбанинг голлари эвазига вазиятни ўнглашга яқин келди, бироқ бу қониқарли натижа учун етарли бўлмади.
ПСЖ ва «Истанбул» жамоалари ўртасидаги гуруҳнинг иккинчи баҳси 22-дақиқада тўхтаб қолди.
Шу тариқа «Манчестер Юнайтед» ПСЖнинг ўйини қандай тугашидан қатъи назар Чемпионлар Лигаси плей-офф босқичига чиқолмади.
ЕЧЛ
6-тур баҳслари
8 декабрь, сешанба
G гуруҳи
«Барселона» Испания — «Ювентус» Италия 0:3
Голлар: 0:1 - 13, пенальти Роналду, 0:2 - 20 Маккенни, 0:3 - 52, пенальти Роналду.«Барселона»: тер Штеген, Дест, Альба (Фирпо, 55), Араухо (Мингеса, 82), Лангле (Умтити, 55), де Йонг, Пьянич, Тринкау (Брэйтуэйт, 46), Педри (Пуч, 66), Гризманн, Месси.
«Ювентус»: Буффон, де Лигт, Данило, Бонуччи, Алекс Сандро, Маккенни, Куадрадо (Бернардески, 85), Артур (Бентанкур, 71), Рэмзи (Рабьо, 71), Мората (Дибала, 85), Роналду (Кьеза, 90+2).
Огоҳлантиришлар: Альба (27), Рэмзи (28), Лангле (30), Мората (52), Умтити (60), Данило (69), Фирпо (78).
«Динамо Киев» Украина — «Ференцварош» Венгрия 1:0
Гол: 1:0 – 60 Попов.H гуруҳи
«Лейпциг» Германия — «Манчестер Юнайтед» Англия 3:2
Голлар: 1:0 – 2 Анхелино, 2:0 – 13 Айдара, 3:0 – 69 Клюйверт, 3:1 – 80, пенальти Бруну Фернандеш, 3:2 – 82 Погба.«Лейпциг»: Гулачи, Анхелинё (Ҳалстенберг, 87), Орбан, Мукиеле, Конате, Айдара, Кампл (Адамс, 75), Олмо (Клюйверт, 56), Забитцер, Форсберг (Поульсен, 56), Нкунку.
«Манчестер Юнайтед»: Де Хеа, Линдельоф (Туанзебе, 78), Шоу (Уильямс, 61), Магуайр, Теллес (ван де Бек, 46), Бруну Фернандеш, Мактоминей, Матич (Погба, 61), Уан-Биссака (Фосу-Менса, 77), Рэшфорд, Гринвуд.
Огоҳлантиришлар: Бруну Фернандеш (5), Мукиеле (32), Забитцер (35), Шоу (43), Магуайр (62), Клюйверт (62), Уильямс (68), Линдельоф (77), Адамс (81).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)