Футбол бўйча Ўзбекистон Coca-Cola Кубоги 1/8 финалидан ўрин олган иккита учрашув 8 декабрь, сешанба куни бўлиб ўтди.
«Қўқон-1912» жамоаси ўз майдонида «Сурхон»ни қабул қилиб, йирик ҳисобдаги ғалабани қўлга киритди. Биринчи бўлимда ҳисоб очилмади, иккинчи бўлимда қўқонликлар рақиб дарвозасига жавобсиз тўртта тўп киритди.
Голларга Сардор Азимов, Шоҳназар Норбеков, Собит Синдоров, Бобур Акбаров каби футболчилар муаллиф бўлди.
Яна бир учрашув «Локомотив» ва ОКМК жамоалари ўртасида кечди. Учрашувнинг 22-дақиқасида Мате Вацадзе олмалиқликларни олдинга олиб чиқди. 60-дақиқада Сардор Раҳмонов жамоасининг иккинчи голини урган бўлса, орадан тўрт дақиқа ўтиб, Баҳром Абдураҳимов ҳисобни йирик кўринишга олиб келди.
Шу тариқа «Қўқон-1912» ва ОКМК чорак финалга йўл олди.
Ўзбекистон Coca-Cola Кубоги
1/8 финал баҳслари
8 декабрь, сешанба
«Қўқон-1912» — «Сурхон» 4:0
Голлар: 1:0 – 57 Азимов, 2:0 – 63 Норбеков, 3:0 – 68 Синдоров, 4:0 – 87 Акбаров.«Қўқон-1912»: Ботирали Эргашев, Собит Синдоров, Жасур Ёқубов, Қувондиқ Рўзиев (Ойбек Рустамов, 46), Сардор Азимов, Авазхон Маматхўжаев, Иқбол Маликжонов (Бобиржон Акбаров, 81), Муҳаммаданас Ҳасанов, Александр Мерзляков (Муҳсинжон Норматов, 71), Мурод Холмуҳаммедов (Сардоржон Етовқўзиев, 71), Бек Абдуллаев (Шохназар Норбеков, 46).
«Сурхон»: Даврон Мерганов, Раҳматулло Бердимуродов (Отабек Мустафоқулов, 73), Низом Норов, Дилшод Рашидов, Фарҳод Маматқулов, Беҳруз Қулматов (Санжарбек Аҳмедов, 46), Нурмуҳаммад Номозов, Ўрал Чориев, Иброҳим Йўлдошев, Шаҳзод Таиров, Асадбек Ҳамзаев.
«Локомотив» — ОКМК 0:3
Голлар: 0:1 – 22 Вацадзе, 0:2 – 60 Раҳмонов, 0:3 – 64 Абдураҳимов.«Локомотив»: Жавоҳир Илёсов, Шуҳрат Муҳаммадиев, Фарруҳ Иброҳимов, Жалолиддин Жумабоев, Шерзод Файзиев (Жаҳонгир Абдумўминов,73), Кахи Махарадзе, Вадим Афонин (Жавоҳир Алижонов,62), Ғуломҳайдар Гулямов, Диёр Туропов, Марат Бикмаев (Кирилл Погребняк,62), 1Азиз Амонов (Авазбек Ўлмасалиев, 73).
ОКМК: Валижон Раҳимов, Акмал Шораҳмедов, Бобур Йўлдошев (Жасур Умаров, 81), Сардор Раҳмонов, Мурод Тошматов, Ёван Жокич, Санжар Турсунов (Миржамол Қосимов, 74), Баҳром Абдураҳимов (Дилшод Жўраев, 86), Ҳусниддин Ғофуров (Арслонмурат Аманов, 81) Мате Вацадзе (Зафар Полвонов, 74), Элгужа Григалашвили.
Огоҳлантиришлар: Илёсов (30), Ғуломов (72), Йўлдошев (78).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)