Mercedes-Benz CLK GTR — шу кунгача яратилган энг зўр суперкарлардан бири ҳисобланади. Компания унинг 28 нусхасини яратган, шу сабабли у энг ноёб моделлардан бири ҳамдир, деб ёзади CARakoom.
Модель биринчи бор тақдим этилганида унинг нархи 1,5 миллион доллардан ортиқроқни ташкил этган бўлиб, уни сотиб олига ҳамманинг ҳам қурби етмаган. Бироқ машина ишқибози бўлган бир йигит ўзининг CLK GTR версиясини яратишга қарор қилди.
Ушбу бесўнақай нусха яқинда АҚШдаги автотураргоҳларнинг бирида суратга олинган. Афтидан, у Mercedes-Benz E-Class базасида яратилган, кузови эса ҳақиқий CLK GTR’ни такрорлашга уринади.
CLK GTR’нинг олд бампери ён қирқимларга эга бўлиб, у ҳақиқий автомобилдаги вентиляцион тешикларнинг имитацияси ҳисобланади. Бундан ташқари, автомобиль кўп кегайли ғилдираклар билан жиҳозланган.
Кўзга ташланадиган ўзгаришлардан бири автомобилнинг орқа ўқи ҳисобланади. Орқа бир жуфт эшиклар олиб ташланган ёки нимадир билан ёпилган ва сунъий ҳаво ҳайдовчи панжараларга алмаштирилган. Шунингдек, қуйруқ қисми узайтирилган, орқани кўришга мўлжалланган пойга автомобиллар ойнаси ва том қисмида ҳаво ҳайдовчи панжара мажвуд.
Аввалроқ россиялик блогерлар «УАЗ»дан «Гелендваген» ясагани тўғрисида хабар берилганди.
Мавзуга доир: Фото: Арт-объектга айлантирилган Mercedes-Benz G-Class
Изоҳ (0)