АҚШнинг Юта штатида топилган металл монолитнинг яна бир нусхаси Буюк Британиянинг Уайт оролида ҳам топилди, деб ёзади Sky News.
Монументга биринчи бўлиб 29 ёшли Том Данфорд исмли фуқаро дуч келган. 6 декабрь тонгида у турмуш ўртоғи ва синглиси билан итини айлантиргани олиб чиққанида пляжда кўзгусимон монолитга дуч келган. «Сўнгги вақтлардаги монолитлар тарихига оид барча нарсадан хабарим бор, шу сабабли уни дарҳол танидим», — дейди эркак. Монумент айнан ким томонидан ўрнатилгани номаълум.
Эслатиб ўтамиз, 18 ноябрь куни АҚШнинг Юта штатида ҳамда 26 ноябрь куни Руминия шимолида ташқи кўриниши билан Стенли Кубрикнинг «Фазовий саёҳатнома» фильмидагига ўхшаш учбурчак монолитлар топилгани, кейинроқ улар жойидан йўқолиб қолгани тўғрисида хабар берилганди. Шунингдек, 4 декабрь куни Калифорнияда ҳам янги монолит топилган — уни ҳам ким ўрнатгани номаълум.
Изоҳ (0)