Ҳиндистонлик қиз Гиннеснинг рекордлар китобига дунёдаги энг узун сочли ўспирин сифатида киритилди. Бу ҳақда Гиннеснинг рекордлар китобининг расмий сайти хабар берди.
Ҳиндистонда яшовчи 18 яшар Ниланши Пател биринчи марта 2018 йил 21 ноябрда ўсмирлар орасида энг узун соч эгаси сифатида тан олинган. Ўша вақтдан буён у икки маротаба рекордни янгилади. Икки йил аввал унинг сочлари 1,7 метр узунликда эди, ҳозирда улар яна 30 сантиметрга ўсган.
Пателнинг 6 ёшида сочини қисқартиришгани унга ёқмаган, шунинг учун уларни ўстира бошлаган. «Менинг сочимни калталатишди, жуда ҳам хунук эди. Шундан сўнг ҳеч қачон сочимни кесмасликка қарор қилганман. 6 ёшимдан буён сочларим узунлигига тегмайман», − дейди Пател.
У тенгдошлари орасида жаҳон рекордини ўрнатиш учун сочларини ўстиришда давом этиши ҳақида ҳали бир қарорга келмаган.
Мавзуга доир:
- Чёлкасини калталатган британиялик қиз кўчага чиқа олмай қолди. Ҳамма уни машҳур актрисага ўхшатмоқда (фото)
- Соч бўяши натижасида жиддий касалликка чалинган англиялик аёлнинг ҳаётини унинг ити қутқариб қолди
- Германиялик 17 ёшли стилист қиз Instagram’да машҳурликка эришди. У саҳифасига соч турмаги суратларини жойлайди (фото)
Изоҳ (0)