Германияда коронавирусга қарши вакцина олиш бепул бўлади. «Интерфакс»нинг ёзишича, бу ҳақда мамлакат Соғлиқни сақлаш вазирлиги вакили Оливьер Эвальд маълум қилди.
«Кимнинг қандай суғуртаси борлигидан қатъи назар, эмлаш бепул бўлади», — деган Эвальд 4 декабрь куни журналистларга. Унинг айтишича, Европа Иттифоқи жами 300 миллион доза вакцина сотиб олмоқчи.
Ўз навбатида, Германия ҳукумати вакили Штеффен Зайберт эмлаш ихтиёрий бўлишини билдирган.
Аввалроқ Россиянинг коронавирусга қарши «Спутник V» вакцинасининг иккита дозаси нархи халқаро бозор учун, тахминан, 20 долларни ташкил қилиши, россияликлар учун вакцина бепул бўлиши ҳақида хабар берилганди. Аргентинада ҳам COVID-19’га қарши «Спутник V» вакцинаси билан эмлаш бепул амалга оширилади. Норвегия коронавирусга қарши вакцинани бепул тарқатади, Японияда ҳам аҳолига коронавирусга қарши бепул эмланиш таклиф этилган. Италияда AstraZeneca вакцинаси 3 евродан кам нархда сотилади.
Изоҳ (0)