Ўзбекистон Президенти Шавкат Мирзиёев раислигида 3 декабрь куни илм-фан ва инновацияни ривожлантириш борасида олий таълим муассасалари, илмий ташкилотлар, тармоқ ва ҳудудлар олдидаги устувор вазифалар муҳокамаси юзасидан видеоселектор йиғилиши ўтказилди.
Давлат раҳбарининг айтишича, бугунги кунда 100 дан зиёд илмий ташкилотлар фаолиятида, улар томонидан олиб борилаётган изланишларда сезиларли ҳали йўқ.
Инновацион ишланмалар учун бюджетдан 100 миллиард сўм ажратилаётган бўлса-да, танлов натижаси бўйича бор-йўғи 29 миллиард сўмлик 51 та лойиҳа шакллантирилган. «Пулимиз бор, ҳудудларда ҳам, тармоқларда ҳам имкониятларимиз бор, лекин лойиҳа йўқ. Фанлар академияси тизимидаги 33 та илмий институт томонидан ўтган йили атиги 59 та патент олинган, яъни ҳар бир илмий ташкилотнинг бир йиллик иш натижаси 1,5 та патентга тенг», — деди Шавкат Мирзиёев.
Президентнинг қайд этишича, олий таълим муассасаларида илмий тадқиқотлар даражаси ўта паст. «Илм ва инновация масалалари бўйича масъул проректорлар умуман ишламаяпти десак, адолатли бўлади», — деди давлат раҳбари.
Шу сабабли Шавкат Мирзиёев ҳар бир ОТМга режа тузиш, 2019/2020-ўқув йилида қандай натижага эришгани бўйича ҳисобот бериш юзасидан топшириқ берди. Керакли натижага эришмаган ОТМлар ректорларини ишдан олиш, яхши натижа кўрсатганларини рағбатлантириш бўйича кўрсатма берилди.
Шунингдек, давлат раҳбари 2021 йилда Инновацион ривожланиш вазирлиги, Фанлар академияси ва ОТМлар ўртасидаги ҳамкорликда мазкур соҳада қандай ишлар амалга оширилиши бўйича режа тайёрлаш вазифасини қўйди.
Мавзуга доир:
- Шавкат Мирзиёев тармоқларга илм-фан ва инновацияни жорий қилиш бўйича олиб борилаётган ишларни танқид қилди
- Шавкат Мирзиёев Навоий ва Олмалиқ кон-металлургия комбинатларидаги 3 млрд тонна техноген чиқиндини қайта ишлаш вазифасини қўйди
- Шавкат Мирзиёев Ўзбекистондаги йирик заводларда электр энергияси сарфини оптималлаштириш бўйича топшириқ берди
Изоҳ (0)