Йилига 500 минг тонна прокат ишлаб чиқариш қувватига эга Тошкент металлургия заводини 4 декабрь куни очиш режалаштирилмоқда. Бу ҳақда Россиянинг «Метпром» муҳандислик-қурилиш гуруҳи президенти Андрей Дейнекога таяниб «ТАСС» хабар берди.
«4 декабрь куни Россия—Ўзбекистон давлат кўмаги ёрдамида ‘Метпром’ гуруҳи томонидан қурилган Тошкент металлургия заводида ишлаб чиқариш бошланади», — дейди Дейнеко.
Россия экспорт маркази таркибига кирувчи «Росэксимбанк» лойиҳанинг 50 фоизини молиялаштирган. Шунингдек, лойиҳада Ўзбекистон томонидан хусусий инвестор (25 фоизи) ҳамда Тикланиш ва тараққиёт жамғармаси ҳам иштирок этган.
Дейнеконинг таъкидлашича, лойиҳани молиялаштиришдан ташқари Россия «контенти» ҳам бўлиб, уни 90 миллион эврога баҳолаш мумкин. Гап Россия томонидан буюртма қилинган лойиҳалаштириш ва муҳандислик ишлари ҳақида, балки қурилмалар, металл констурксияларни етказиб бериш ва ўқитиш ҳақида кетмоқда.
«Тошкентдаги қурилиш орқали 30 га яқин ишлаб чиқарувчи ва мингга яқин одам иш билан таъминланди», — дейди Дейнеко.
Эслатиб ўтамиз, Тошкент металлургия заводи 2019 йилнинг декабрь ойида совуқ чигириш (холодний прокат) йўли билан биринчи партия металл маҳсулотни ишлаб чиқариши тўғрисида хабар берилганди.
Изоҳ (0)