Сирдарё вилоятининг Сардоба, Оқолтин ва Мирзаобод туманларида биринчи марта ичимлик суви таъминоти ва канализация тизими тортилди. Бу ҳақда «Ўзсувтаъминот» компанияси матбуот хизмати хабар берди.
Сув таъминоти ва канализация тизимларини қуриш, шунингдек, мавжуд қурилмаларни қайта таъмирлаш мазкур туманлардаги 16 та объектда режалаштирилган эди. Ҳозирги пайтда ишлар деярли якунланган.
Компания хабарига кўра, 89,9 километр узунликдаги ичимлик суви тармоғи, шунингдек, 6,9 километрли канализация тармоғи тортилган. 6 та ичимлик суви таъминоти объекти ва 11 та канализация тозалаш қурилмаси барпо этилган.
Шу тариқа янги қурилган кўп қаватли ва якка тартибдаги уйлар сув билан таъминланган. Кўп йиллар давомида ичимлик суви ва канализация долзарб масала бўлган қишлоқ ва маҳаллаларда сув таъминоти яхшиланган. Янги уйларда сув ҳисоблагичлар ўрнатилган.
Изоҳ (0)