Ўзбекистонда 2020 йил 1 ноябрь ҳолатига кўра 131 та табиий монополия мавжуд. Бу ҳақда Монополияга қарши курашиш қўмитасига таяниб, Spot маълум қилди.
Қайд этилишича, бу 2017 йилдан бери энг паст кўрсаткичдир. Ўша йилда табиий монополиялар сони 148 та бўлган.
Мамлакатда 2020 йил ёзида табиий монополиялар сони кескин кўтарилди (бешта янги компания қўшилган), аммо ноябрга келиб уларнинг сони яна камайди.
Табиий монополия — бозорда муайян товарлар (ишлар, хизматлар) турларига бўлган талабни қондиришда рақобатли шароитни яратиш технологик хусусиятларга кўра мумкин бўлмайдиган ёки иқтисодий жиҳатдан мақбул бўлмайдиган ҳолат. Табиий монополиялар фаолияти уларнинг мамлакат иқтисодиётида эгаллаган аҳамиятини ҳисобга олган ҳолда давлат томонидан тартибга солинади.
Изоҳ (0)