Хоразм вилояти Янгиариқ туманига Давлетов Анвар Кенжаевич ҳоким этиб тайинланди. Бу ҳақда Хоразм вилояти ҳокимлиги маълум қилди.
Хабар берилишича, халқ депутатлари Янгиариқ туман Кенгашининг навбатдан ташқари сессияси бўлиб ўтди. Хоразм вилояти ҳокими Фарҳод Эрманов иштирок этган сессияда ташкилий масала кўрилди. Анвар Давлетов Янгиариқ тумани ҳокими вазифасини бажарувчи этиб тайинланди.
Анвар Давлетов 1985 йилда Қўшкўпир туманида туғилган. Миллати ўзбек, маълумоти олий. Мутахассислиги — Жаҳон иқтисодиёти ва халқаро иқтисодий муносабатлар. У шу вақтгача вилоят ҳокимининг ишлаб чиқаришни маҳаллийлаштириш ва саноатда кооперация алоқаларини кенгайтириш масалалари бўйича ёрдамчиси лавозимида ишлаб келган.
Эслатиб ўтамиз, 2020 йилнинг март ойидан буён Янгиариқ туманини Муҳаммадмурод Худойберганов бошқариб келаётганди.
Изоҳ (0)