Про-Лига сўнгги турида «Нефтчи» жамоаси «Турон»га мағлуб бўлди (0:1) ва Суперлигага тўғридан-тўғри йўлланма берувчи 1-ўринни қўлдан чиқарди.
Учрашувнинг сўнгги дақиқаларида Асилбек Қаюмов томонидан киритилган тўп яйпанликларга ғалаба олиб келди.
Учрашувдан кейин «Нефтчи» ёш мухлисининг реакцияси эътиборли вазиятлардан бири бўлди. Боллбойнинг аччиқ кўз ёш тўкиб йиғлаётгани учрашув трансляция ходимлари эътиборини тортди.
Таъкидлаш жоиз, «Нефтчи» ҳали Суперлигага чиқиш имкониятини йўқотмади. Жамоа Суперлигада 13-ўринни қўлга киритган клуб билан ўтиш ўйинида қатнашади.
Эслатиб ўтамиз, учрашувдан кейин мезбонлар футболчилари, мухлислар ва ҳакамлар иштирокида катта жанжал юзага келди. Вазиятларнинг бирида «Нефтчи» футболчиси ҳакамга оёқ билан зарба берди.
Мавзуга доир: Видео: «Нефтчи» — «Турон» учрашувидан кейин катта жанжал юзага келди. «Нефтчи» футболчиси ҳакамга оёқ билан зарба берди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)