Қашқадарёда Соғлиқни сақлаш бошқармасининг собиқ раҳбари янги лавозимга тайинланди

Қашқадарё вилоят Соғлиқни сақлаш бошқармасининг собиқ раҳбари Дониёр Турсунов янги лавозимга тайинланди. Бу ҳақда «Дарё»га бошқарма ахборот хизмати раҳбари Нуриддин Эгамов хабар берди.

Таъкидланишича, собиқ раҳбар — тиббиёт фанлари номзоди Дониёр Турсунов Республика шошилинч тиббий ёрдам илмий маркази Қашқадарё филиалига директор этиб тайинланган.

Эслатиб ўтамиз, 2020 йил 25 ноябрь куни соғлиқни сақлаш вазирининг тегишли буйруғи билан Республика шошилинч тиббий ёрдам илмий маркази Қашқадарё филиали директори вазифасида ишлаб келган Равшан Тулаков вилоят Соғлиқни сақлаш бошқармаси бошлиғи этиб тайинланганди.