Исроилда карантиндан кейин савдо-кўнгилочар марказларни очиш режалаштирилмоқда. 15 та савдо марказининг ишини 27 ноябрдан қайта тиклаш режалаштирилмоқда. Иши қайта тикланадиган савдо марказлари лотерея ёрдамида аниқланади. Бу ҳақда «Korrespondent.net» хабар берди.
Мамлакат расмийлари махсус ўйин ўтказишни режалаштирмоқда. Мазкур лотерея ўйини айнан қайси кичик савдо марказларига ишлаш учун «яшил чироқ» берилишини ҳал қилади. Савдо марказлари эгалари ўйинда олдиндан рўйхатдан ўтиши ҳамда Соғлиқни сақлаш вазирлигининг барча талабларини бажаришга тайёр эканлигини тасдиқлаши керак.
Лотерея Молия, Иқтисодиёт ва Соғлиқни сақлаш вазирликлари иштирокида бўлиб ўтади.
Ўз ишини қайта тиклайдиган бир қатор савдо марказларининг номи аллақачон маълум бўлган. Савдо марказлари дастлаб 6 декабргача ишлайди. Расмийлар эпидемиологик вазиятни чуқур таҳлил қилади. Кейин эса ҳукумат савдо марказлари ўз ишини қандай форматда давом эттириши ҳақида қарор қабул қилади.
Исроилда сентябрь ойидан бошлаб қатъий карантин қайта жорий қилинган. Фуқаролар уйидан 500 метр узоқлашиши мумкин эмас. Ресторанлар, меҳмонхоналар, спорт заллари ва сув ҳавзалари ёпилган.
Изоҳ (0)