Франциянинг Бокудаги элчиси Закари Гросс 26 ноябрь куни Озарбайжон Ташқи ишлар вазирлигига чақирилди, унга Франция Сенати томонидан 25 ноябрь куни Тоғли Қорабоғ бўйича қабул қилинган резолюция сабабли норозилик нотаси топширилди. Бу ҳақда «Интерфакс» хабар берди.
«Франция элчисига Сенатнинг қарори халқаро қонунчиликка, БМТ низомига, Хелсинки якуний актига, БМТ Хавфсизлик Кенгашининг 1993 йилдаги қарорларига зид эканлиги тўғрисида хабар берилди», — дея маълум қилди Озарбайжон Ташқи ишлар вазирлиги.
Ўз навбатида, элчи Парижни Озарбайжон Ташқи ишлар вазирлигининг позицияси тўғрисида хабардор қилиши ҳақида айтган.
Эслатиб ўтамиз, Франция Сенати 25 ноябрь куни деярли мутлақ кўпчилик овози билан Тоғли Қорабоғни тан олиш ҳақидаги резолютисяни қабул қилди. Сенат ўз резолюциясида Франция расмийларини Тоғли Қорабоғдаги воқеаларга нисбатан ҳаракатсизликда айблаб, Тоғли Қорабоғнинг мустақиллигини тан олишга чақирди.
Изоҳ (0)