Isroilda karantindan keyin savdo-ko‘ngilochar markazlarni ochish rejalashtirilmoqda. 15 ta savdo markazining ishini 27-noyabrdan qayta tiklash rejalashtirilmoqda. Ishi qayta tiklanadigan savdo markazlari lotereya yordamida aniqlanadi. Bu haqda “Korrespondent.net” xabar berdi.
Mamlakat rasmiylari maxsus o‘yin o‘tkazishni rejalashtirmoqda. Mazkur lotereya o‘yini aynan qaysi kichik savdo markazlariga ishlash uchun “yashil chiroq” berilishini hal qiladi. Savdo markazlari egalari o‘yinda oldindan ro‘yxatdan o‘tishi hamda Sog‘liqni saqlash vazirligining barcha talablarini bajarishga tayyor ekanligini tasdiqlashi kerak.
Lotereya Moliya, Iqtisodiyot va Sog‘liqni saqlash vazirliklari ishtirokida bo‘lib o‘tadi.
O‘z ishini qayta tiklaydigan bir qator savdo markazlarining nomi allaqachon ma’lum bo‘lgan. Savdo markazlari dastlab 6-dekabrgacha ishlaydi. Rasmiylar epidemiologik vaziyatni chuqur tahlil qiladi. Keyin esa hukumat savdo markazlari o‘z ishini qanday formatda davom ettirishi haqida qaror qabul qiladi.
Isroilda sentabr oyidan boshlab qat’iy karantin qayta joriy qilingan. Fuqarolar uyidan 500 metr uzoqlashishi mumkin emas. Restoranlar, mehmonxonalar, sport zallari va suv havzalari yopilgan.
Izoh (0)