Бугун,

  • USD 11095.31
  • RUB 173.84
  • EUR 10772.44

Данияда коронавируснинг мутацияланган версияси қоракўзанларда аниқланганидан сўнг вирусни юқтирган барча ҳайвонлар 2020 йилнинг ноябрь ойи ўрталарида ўлдирилган эди.

Қоракўзанлар танаси кўмилган, аммо унчалик ҳам чуқурга эмас. Чириш жараёнида газлар ажралган, шу туфайли ўлимтиклар ер юзасига чиқиб қолган, деб ёзади The Guardian.

Фото: The Guardian

Фото: The Guardian

Бир неча минг қоракўзанлар ҳарбий полигонда 1 метр чуқурликдаги «оммавий қабр»га кўмилган.

«Ҳайвонларнинг чириши натижасида газ пайдо бўлиши мумкин. Бу уларнинг ҳажман кенгайишига сабаб бўлади. Шунинг учун ҳам энг ёмон ҳолатларда қоракўзанлар танаси ердан сиқиб чиқарилади», − дейди Миллий полиция вакили Томас Кристенсен.

Полиция буни табиий жараёнлиги ва қабрларни кўпроқ тупроқ билан қоплаш кераклигини таъкидлади, чунки Ғарбий Ютландиянинг тупроғи жуда енгил.

Дания Атроф муҳит вазирлиги ушбу ҳодисани «чириш билан боғлиқ вақтинчалик муаммо» деб атади. Ҳайвонлар ва инсонлар учун юзага келиши мумкин бўлган муаммоларнинг олдини олиш учун ҳудуд панжара ўрнатилгунга қадар 24 соат давомида назорат қилинади.

Кристенсеннинг сўзларига кўра, чириган жонзотларнинг танаси инсонлар учун хавфли эмас, улар дафн этилгунча дезинфекция қилинган ва оҳак билан қопланган. Вирус эса асосан ҳаводан нафас оладиган қоракўзанлар орқали юқиши мумкин.

Шунингдек, маҳаллий оммавий ахборот воситаларининг хабар беришича, қоракўзанлар кўллар ва ерости сувларига яқин жойга кўмилган бўлиши ҳам мумкин. Бу эса оқава ва ичимлик сувларининг ифлосланишига олиб келади.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди