Франциянинг Balenciaga бренди томонидан янги кийиб бўлмайдиган пойабзал модели тақдим қилинди. Бу ҳақда Esquire хабар беради.
Бренд уй учун мўлжалланган интерьер ва арт-объектларни ишлаб чиқаришни бошлади. Янги буюм ва декорлар сурати сайтнинг Objects деб номланган бўлимига киритилган.
Тақдим қилинган буюмлар орасида Balenciaga’нинг энг машҳур пойабзал моделларидан бири Track.2 кроссовкаси кўринишидаги скульптура ўрин олган.
Мазкур жез (рух ва мисдан иборат қотишма) ишланган скульптура, палкладий билан қопланган бўлиб, 41-ўлчамга мос келади. Оғирлиги 2,5 килони ташкил қиладиган объект 16 та деталдан иборат.
Кроссовка кўринишидаги скульптура Италияда, чекланган 20 нусхада ишлаб чиқарилган. Уни Balenciaga’нинг бутун дунёдаги дўконларидан 5390 евро, яъни 66 536 929 сўмга харид қилиш мумкин.
Кейинчалик Objects доирасида коллекция буюмлари тақдим қилинади, дейилади хабарда.
Мавзуга доир:
- Balenciaga бренди бармоқлари ажратиб кўрсатилган оёқ кийим ишлаб чиқаради
- Дидсиз кўрсатадиган ва кўйлак билан кийиш тавсия қилинмайдиган пойабзаллар
- Yeezy ўргимчакка ўхшаш шиппак ишлаб чиқаради. Янги модель мультфильм қаҳрамонлари пойабзалини эсга солади
- Қоидаларга зид: Off-White бренди икки хил кўринишга эга бир жуфт пойабзал тақдим қилди
- Bottega Veneta бренди Янги йилга бағишланган туфли моделини тақдим қилди
Изоҳ (0)