«Бавария» дарвозабони Мануэль Нойер Чемпионлар Лигасидаги кетма-кет ғалабалар сони бўйича рекорд қайд этди.
«Зальцбург»га қарши кечган баҳсда (3:1) германиялик дарвозабон ЕЧЛдаги кетма-кет 15-ғалабасини нишонлади. Нойер 2019/20 йилги мавсумда 11 та ўйинда ғалаба қозонган бўлса, жорий мавсум жамоаси билан гуруҳ босқичидаги тўртта ўйинни ютуқ билан якунлади.
Шу тариқа Нойер «Ювентус» ҳужумчиси Криштиану Роналдунинг рекордини янгилади. Португалиялик футболчи 2013/14 ва 2014/15 йилги мавсумларда «Реал» сафида кетма-кет 14 бор ғалабага эришганди.
Эслатиб ўтамиз, Нойер ФИФА таснифи бўйича 2019/20 йилги мавсум якунлари бўйича йилнинг энг яхши дарвозабони номига даъвогарлар рўйхатига киритилган. Роналду эса йилнинг энг яхши ўйинчисига топшириладиган The Best соврини учун курашмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)