«Бавария» Чемпионлар Лигаси 4-турида «Зальцбург»ни мағлубиятга учратди (3:1).
Мюнхенликлар клуби Еврокубокларда кетма-кет 16-ғалабасини қўлга киритди ва бу борада «Атлетико»нинг рекордини такрорлади.
Амалдаги чемпион жорий мавсум гуруҳ босқичидаги тўртта ўйинда ғалаба қозонди, УЕФА Суперкубогида «Севилья»ни енгди, шунингдек, 2019/20 йилги мавсумдаги мусобақанинг барча 11 ўйинини ўз фойдасига ҳал қилганди.
«Атлетико» 2011-2012 йилларда Европа Лигаси ва Европа Суперкубогида кетма-кет 16 ўйинлик ғалабали серия қайд этганди.
«Бавария» 5-турда айнан «Атлетико»га қарши майдонга тушади. Ўйин 1 декабрь куни бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)