Футбол бўйича Либертадорес Кубоги доирасида ўтиши керак бўлган «Бока Хуниорс» — «Интернасионал» учрашуви Диего Марадонанинг ўлими сабаб бошқа кунга қолдирилди.
Учрашув Тошкент вақти билан 26 ноябрь тонгида бўлиб ўтиши режалаштирилганди. Бироқ «Бока Хуниорс» собиқ юлдузининг ўлими туфайли ўйин бир ҳафта кейинга қолдирилди.
Шу тариқа учрашув 3 декабрь куни бўлиб ўтади, жавоб ўйини эса 10 декабрга кўчирилади.
Эслатиб ўтамиз, Диего 25 ноябрь куни юрак хуружи оқибатида 60 ёшида вафот этди.
Марадона — 1960 йилнинг 30 октябрида Аргентинанинг Ланус шаҳрида туғилган. Футболчилик фаолияти мобайнида «Аргентинос Хуниорс», «Бока Хуниорс», «Барселона», «Наполи» ва «Севилья» каби номдор клубларда тўп сурган. Аргентина терма жамоаси билан 1986 йилги Жаҳон Чемпионати ғолиблигини қўлга киритган.
Марадона 1984—1991 йиллар мобайнида «Наполи» билан икки бор (1986/87, 1989/90 йилги мавсумларда) Италия чемпионатида ғолиб чиққан, Италия Кубоги ва Суперкубогини қўлга киритган ва УЕФА Кубогида (1988/89) зафар қучган.
Марадона мураббийлик фаолияти давомида «Расинг», «Ал-Васл», «Ал-Фужайра» ва «Дорадос» каби клубларда, шунингдек, 2008—2010 йиллар мобайнида Аргентина терма жамоасида ишлаган. Унинг сўнгги жамоаси «Химнасия Ла-Плата» клуби эди, мутахассис 2019 йилдан буён ўша ерда фаолият юритаётганди.
Мавзуга доир:
- Марадонанинг ўлими сабаб Аргентинада 3 кунлик мотам эълон қилинди
- Пеле: «Бир кун келиб Марадона билан самода бирга футбол ўйнаймиз»
- Диего Марадона 23 йил аввал футбол билан хайрлашганди, бугун эса... Аргентиналик даҳонинг сўнгги учрашуви
- «Онам мени энг зўри деб ҳисоблайди. Мен эса ҳеч қачон у билан баҳслашмайман». Афсонавий Диего Марадона ҳаётидаги энг машҳур иқтибослар
- Диего Марадонанинг ўлими олдидан айтган сўнгги сўзлари маълум бўлди
- «Наполи»нинг уй стадиони Диего Марадона шарафига қайта номланади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)