Болливуднинг ташқи кўринишидаги нуқсони билан фахрланиб, ҳеч ким мукаммал эмаслигини исботлаган юлдузлари (фото)

Мухлислар Болливуд юлдузлари мукаммал ва уларнинг кўриниш билан боғлиқ ҳеч қандай муаммоси йўқ, деб ўйлайди. Аслида эса бундай эмас, чунки юлдузлар ҳам одам ва уларнинг ҳам кўринишида турли нуқсонлар бўлиши табиий ҳол. Шунчаки кимдир бу камчиликларни борича қабул қилиб, ўзидан уялмаса, бошқалар пластик жарроҳларга мурожаат қилишни афзал билади.

Сонам Капур

Журнал муқоваларидаги суратлари мукаммалдек кўринадиган актриса берган интервьюлардан бирида, ортиқча вазн уни қийнашини таъкидлаган. Кўриниши кўнгилдагидек бўлиши учун у ҳамиша парҳезга амал қилади ва ширинлик истеъмол қилмайди. Талабалик йилларида вазни деярли 90 кило бўлган Сонам, дебют ролидан аввал 35 кило вазн ташлаган. Актриса ҳеч қачон фотосессиядан кейин мутахассислар унинг суратлар устида узоқ ишлашига тўғри келишини яширмаган. У ҳатто Buzzfeed нашри учун мутахассислар машҳурларни мукаммал кўрсатиш учун ўлиб-қутилиши ҳақида мақола ҳам ёзган. Сонам селюллит ёки чандиқларнинг ёмон тарафи йўқлиги, улар ёш маркери эканлиги ҳамда уларнинг ҳақиқийлиги бу гўзаллик эканлигини таъкидлаган.

Видя Балан

Видя ўзини борича қабул қилади. Унинг айтишича, вазннинг ортиши муаммо эмас ва ҳар бир аёл нима бўлган тақдирда ҳам ўз қоматини яхши кўриши керак. У мухбирларнинг вазни ортгани ҳақидаги саволга ўзидан уялмаслиги ва ҳеч ким ҳам уялмаслиги кераклигини айтиб, жавоб қайтарган.

Рани Мукержи

Бўйининг пастлиги кўпинча кинопродюсерлар учун муаммо бўлиб кўринади. Ранининг бўйи эса 156 см эканлигига қарамай, ўзини актрисалик карьерасидан синаб кўришга қарор қилган ва ҳеч нима уни қайтара олмаган. Қолаверса, унинг ёнида продюсер Адитя Чопра бўлган ва кейинчалик жуфтлик турмуш қурган.

Кажол

Бир неча йил давомида ОАВ актриса Кажолнинг қошларини танқид қилишдан чарчамаган ва буни камчиликдек кўрсатишга ҳаракат қилган. Аммо Кажол қошлари камчилик эмас ўзига хосликнинг намунаси эканлигини исботлаган.

Ритик Рошан

Ритикнинг қўлидаги бармоқлари сони 6 та. Актёр мактаб даврида ушбу камчилик кўпчиликни қочиргани, аммо шунга қарамай, у ҳеч ҳам жарроҳлик қилдириш ҳақида ўйлаб кўрмаганини таъкидлайди. У ўзини борича қабул қилган ва мавжуд камчиликни имижидаги ўзига хосликка айлантирган.

Айшвария Рай Баччан

Дунёнинг энг гўзал актрисаларидан бири ҳисобланадиган актрисанинг ҳомиладорлик вақти ва фарзандли дунёга келтирганидан кейин вазн тўплагани турли ёқимсиз хабарларга сабаб бўлган. Шунга қарамасдан, у ўз қомати ва Канн кинофестивалида кўриниш беришдан уялмаган.

Соха Али Хон

Оила ва ишида ҳеч нарсадан муҳтожлик сезмаган актриса, кичик камчилигидан уялмаган ва уни ўзининг ютуқларидан бирига айлантиришга муваффақ бўлган. У бурнининг шакли қанчалик танқидларга сабаб бўлса ҳам уни пластик операция билан ўзгартирмаган.