Англия шимолидаги Уэст-Йоркшир графлиги полицияси ўтган дам олиш кунлари содир бўлган ноодатий авария ҳақида маълумот берди. Дьюсбери шаҳрида Audi ҳайдовчиси ЙТҲга учраши оқибатида автомобиль яқин атрофдаги уйнинг эшигини ҳам ўзи билан олиб кетган, деб ёзади Motor.
Иккиталик авария содир бўлган: аввалига Audi бошқа бир автомобиль билан тўқнашган. Тўқнашув зарби ЙТҲ айбдорининг машинаси четга чиқиб кетиб, йўл бўйида жойлашган уйнинг қанот қисмига урилишига ва сирли равишда унинг кириш эшигини «юлиб кетиши» учун етарли бўлган. Натижада эшик Audi’нинг том қисмига санчилиб қолган.
Том қисмига шикаст етгани ва олд ойна синганига қарамай ҳайдовчи бирор марта ҳам тормозни босмагани сабаб машина яна бир неча метр йўл босган. Ноодатий авария оқибатида фақат Audi ҳайдовчиси енгил жароҳат олган.
Маълум қилинишича, автомобилнинг 18 ёшли эгаси қўлга олинган, полиция эса йўл-транспорт ҳодисаси бўйича терговларни давом эттирмоқда. Авария вақтида йигитча алкогол ва гиёҳванд моддалар таъсирида бўлгани айтилмоқда.
Аввалроқ АҚШнинг Корваллис шаҳрида Tesla Модель 3 ҳайдовчиси катта тезликда дарахтга урилиб, электромобил ва унга ўрнатилган батарея бутунлай сочилиб кетгани тўғрисида хабар берилганди.
Изоҳ (0)