Маълумотларга қараганда 80 фоиз ҳолатда коронавирус симптомсиз ёки бошқа касаллик грипп, ОРВИ сингари кечади. Агар сизда жиддий сурункали касалликлар бўлмаса, вазнингиз меъёрда ва ёшингиз 65 ёшдан ўтмаган бўлса ва шамоллаган бўлсангиз, сиз аллақачон коронавирус билан оғриган бўлишингиз, аммо бундан ўзингиз бехабар бўлишингиз мумкин.
Оёқ бармоқларида яра-чақалар
Оёқда, хусусан, бармоқлардаги специфик яралар, кўкаришлар коронавирус инфекциясига хос аломатлардан бири саналади. Албатта, биргина ушбу симптомнинг ўзи билан коронавирус билан касалланганингиз ҳақида хулоса чиқариш ярамайди, аммо бошқа белгилар билан бирга кузатиладиган бўлса, сиздаги ОРВИ аслида коронавирус инфекцияси бўлгани эҳтимоли юқори бўлади.
Танадаги тушунарсиз тошмалар
Қоринда, белда, қўл ва бошқа соҳаларда пайдо бўлиб кейин ўз-ўзидан йўқ бўлиб қолган майда қизил тошма коронавирус инфекциясига хос яна бир специфик симптом саналади. Ушбу симптом, айниқса, болаларга хос бўлади, аммо катталарда ҳам учраб туради.
Қорин соҳасида оғриқ ва диарея
Асосан, ичак инфекцияларига хос бўлган кўнгил айниши, ич кетиши, қорин соҳасида оғриқ ва оғизда ғалати таъм билиш кабилар коронавирус билан оғриган беморларда ҳам аниқланган. Агар сиз шамоллаш деб ўйлаган саломатлигингизда муаммо бор вақтда ошқозон ичак трактида ўзгариш сезадиган бўлсангиз, сизда COVID-19 бўлгани эҳтимоли катта.
Конъюнктивит
Конъюнктивит – кўз қовоқлари қизғиш ёки пушти рангда бўлиб, қичишиш ва ловуллаш билан кечадиган инфекцион касаллик ҳисобланади ва коронавирус аниқланган беморларнинг айримларида ушбу симптом аниқланади. Агар сиз вирусли касалликка чалинган бўлсангиз ва конъюнктивит симптомлари кузатиладиган бўлса, сизда коронавирус бўлган бўлиши мумкин.
Таъм ва ҳид билишнинг ўзгариши
Ушбу симптомлар коронавирусга хос энг кўп тарқалган аломатлар саналади. Лекин вируснинг организмга хавфи юқори бўлмаса, касаллик енгил формада ўтиши, ҳид ва таъм билиш бироз сусайиши мумкин. Бунда одатий ҳид ва таъмлар бироз бошқачароқ таом нордон ёки аввалгидан аччиқроқ бўлиши мумкин.
Кучли ҳолсизланиш
Грипп ёки шамоллаганда организм вирус билан курашгани сабаб бемор ҳолсизланади ва бошқа нарсага энергия қолмагандек ҳис қилади. Аммо коронавирусда ҳолсизланиш кучлироқ бўлади ва ҳатто осон ҳаракат ҳам кишини ҳолдан тойишига сабабчи бўлади, бемор организми қайта куч тўплаши учун узоқ вақт баъзида соатлаб дам олишни истайди. Агар сизда шундай ҳолат кузатиладиган ва авваллари бундай ҳолсизлик ҳис қилмаган бўлсангиз, коронавирусга чалинган бўлишингиз мумкин.
Касалликнинг узоқ вақт чўзилиши
Одатда ОРВИ бир ҳафта ёки 10 кун кечади. Агар сизда анчадан бери ўтиб кетмаётган бўлса ва яхши бўлгандан кейин яна тез қайталанса, организмингиз жиддийроқ «душман», яъни коронавирус билан курашаётган бўлиши мумкин.
Изоҳ (0)