Бельгия ҳукуматининг коронавирус тарқалишини олдини олиш ва фуқароларнинг ўзини яккалаш бўйича олиб борган мақсадли сиёсати натижасида икки ҳафта ичида мамлакатда COVID-19 билан касалланиш ҳолати 61 фоизга — ҳар 100 минг аҳолига 688,1 ҳолатга қадар тушди. Бу ҳақда Бельгиянинг Sciensano тиббий тадқиқот институтига таяниб, «Korrespondent.net» хабар берди.
Ноябрь бошида Бельгия ҳар 100 минг кишига 1609 та касал тўғри келаётгани сабаб Европа мамлакатлари орасида етакчилардан бири бўлиб келаётганди.
Жорий ҳафтада ҳар куни коронавирусга чалиниш ҳолати билан касалхоналарга ўртача 372 нафар янги бемор мурожаат қилган, бу ўтган ҳафтага нисбатан 25 фоизга кам демак. Бельгия шифохоналарида ҳозирда жами 5650 нафар бемор қолмоқда, уларнинг 1284 нафари интенсив терапия бўлимида, 837 нафари ўпкани сунъий нафас олдириш аппаратига уланган.
Бельгияда пандемия бошланганидан буён коронавирусга чалинганлар сони 550 минг кишидан ошган. Бу давр оралиғида мамлакатда 5,6 миллиондан ортиқ тест олинган бўлиб, 21 октябрдан бошлаб Бельгияда тестлар фақат касаллик белгилари кузатилган одамлардан олинмоқда.
Эслатиб ўтамиз, Бельгияда 19 октябрдан коронавирус сабаб комендантлик соати жорий этилган.
Изоҳ (0)