Coca-Cola Суперлига 23-тури доирасида ўтган «Металлург» — «Бунёдкор» учрашувидан (3:2) кейин ҳар икки жамоа бош мураббийлари иштирокида матбуот анжумани ўтказилди.
Дастлаб меҳмонлар устози Вадим Абрамов ўз фикрлари билан ўртоқлашди.
Ўйлашимча, бу беллашув биз учун кутилмаганда осон ўтди. Тезкор гол урдик, ўйинни назорат қилдик. Кейин захирадаги футболчиларни туширдик, қандайдир хотиржамлик сабабли оддий вазиятларда иккита гол ўтказиб юбордик. Ғалабага яқин эдик ва амалда шундай бўлди. Фикримча, ғалаба осонлик билан қўлга киритилди. Бундай учрашувлар бўлиб туради. Навбатдаги баҳсларда ҳам майдонга фақат ғалаба учун чиқамиз. Кўрамиз, турнир жадвалидаги ҳолат қандай кўриниш олади. Асосийси, ғалаба қозондик, қолгани қандай давом этишини кузатамиз.Вадим Абрамов, «Бунёдкор» бош мураббийи
Шунингдек, мезбонлар бош мураббийи Андрей Шипилов ҳам ўз фикрларини баён қилди.
«Бунёдкор» ҳақли ғалабани қўлга киритди. Рақиб бутун ўйинни назорат қилди. 0:3, бемалол ўйнади, совуққонлик билан ҳаракат қилди, захирадаги футболчиларга имконият берди. Биз эса, негадир қўрқдик. Кимдан, нега қўрқдик, билмадим. Ваҳоланки, рақиб сафида ҳам иккита оёғи ва иккита қўли бор футболчилар тўп сурди. Негадир 0:3 дан кейин уйғондик ва қандайдир иккита голни урдик. Таянч ярим ҳимоячилари «ухлади», дарвозабонимиз тушунарсиз хатоларга йўл қўйди. Ҳайронман, айтишга сўз йўқ. «Металлург»даги уч йиллик фаолиятимдаги энг ёмон ўйин десам бўлади.«Бунёдкор» кейинги турда «Сўғдиёна»га қарши ўтказади. «Металлург» эса «Қизилқум» билан ўйнайди.Андрей Шипилов, «Металлург» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)