Қазғоқ Паркинсон касаллиги аломатларидан бири бўлиши мумкин. «РБК»нинг Daily Express’га таяниб хабар беришича, Буюк Британиянинг Parkinson’s UK компанияси мутахассислари шундай хулосага келди.
Себорея дерматити кўп ҳолларда гормонал бузулишлар оқибатида келиб чиқади. Шунингдек, тестостерон, анаболиклар ва глюкокортикостероидларни узоқ муддат истеъмол қилиш касаллик ривожланишига олиб келиши мумкин. Тадқиқотнинг қўшимча қилинишича, олимлар беморларда Паркинсон касаллиги пайдо бўлиш сабабини айта олмаган.
2020 йилнинг сентябрь ойида исроиллик олимлар COVID-19 коронавирус инфекцияси беморларда жиддий неврологик оқибатларга олиб келиши мумкин деган хулосага келганди. Улардан бири Паркинсон касаллиги бўлиб, у коронавирус аниқланган беморлардан бирига шунақа ташхис қўйилган.
Маълумот учун, Паркинсон касаллиги, титроқ фалаж — марказий нерв системасининг сурункали касаллиги. Инглиз врачи Жейм Паркинсон 1817 йили таърифлаб берган. Паркинсонда мускуллар таранглашади, юз ҳаракатсиз бўлиб, қотиб қолади, бемор майда қадам ташлаб юради, ҳаракатлари чекланади, ҳатто кийиниш, тугмаларни қадашда қийналади. Титроқ фалаж кўпроқ қўл панжаларидан бошланади (бемор гўё бармоқлари билан шарчалар ясаётгандек ҳаракат қилади). Беморнинг боши, оёқлари ҳам титрайди, бемор қимирламай турганда ёки жуда ҳаяжонланганида, одатда, титроқ кучаяди, ҳаракатланганида камаяди ва ухлаган пайтида босилади.
Мавзуга доир: Инсониятни Паркинсон касаллиги пандемияси кутмоқда
Изоҳ (0)