Қозоғистоннинг Ақтўбе вилоятидаги қишлоқ хўжалиги раҳбари 58 ёшли ўзбекистонлик эркакка қулдек муомала қилгани, унинг ҳужжатларини тортиб олиб, қўрқитгани ва бир йил давомида маош тўламай ишлатиб келгани фош этилгани ҳақида хабар берилганди. Ўзбекистон Ташқи ишлар вазирлиги мазкур ҳолат бўйича маълумот берди.
Ақтўбе вилояти полиция департаменти маълумотларига кўра, Қозоғистон ҳудудида ноқонуний равишда бўлган шахсларни топиш бўйича режали тадбирлар давомида 1962 йил 2 майда туғилган Ўзбекистон Республикаси фуқароси М.Б. аниқланган. Унинг иш берувчисига нисбатан Қозоғистон Жиноят кодексининг 128-моддасида кўзда тутилган одам савдоси бўйича жиноят иши қўзғатилган.
Вазирлик хабарига кўра, М.Б. Қозоғистонга 1996 йилда келган, 2004 йилда доимий яшаш рухсатномасини олган ва Қозоғистонда мунтазам яшайди.
«Ҳуқуқни муҳофаза қиливчи органлар вакиллари билан суҳбат чоғида М.Б. ҳозирги иш берувчисига нисбатан шикояти йўқлигини, иш, яшаш ва иш ҳақи шартлари ўзини қониқтиришини, Ўзбекистонга қайтиш нияти йўқлигини ва Олмаота шаҳрига, Қозоғистон фуқароси бўлган қизининг уйига кўчиб ўтишни режалаштираётганини билдирди», — дейилади Ўзбекистон ТИВ хабарида.
Маълум қилинишича, жиноий иш аломатлари йўқлиги ва меҳнат қуллиги фактлари тасдиқланмагани муносабати билан қўзғатилган жинойи иш ёпилди.
Мавзуга доир:
Изоҳ (0)