Самарқанд вилоят Божхона бошқармаси Контрабандага қарши курашиш ва божхона аудити бўлими ходимлари ДХХ ходимлари билан ҳамкорликда Самарқанд шаҳрида пиротехника воситаларини кўча-кўйда пуллаш билан боғлиқ ноқонуний ҳолатларнинг олдини олиш мақсадида тезкор тадбир ўтказди. Бу ҳақда «Дарё»га вилоят Божхона бошқармаси ахборот хизмати маълум қилди.
Тадбир давомида Kia Carnival русумли автомашина юкхонасидан фуқаро У.А.га тегишли хорижда ишлаб чиқарилган, умумий қиймати 111 миллион сўмлик 9 турдаги 56 172 дона пиротехника воситалари борлиги аниқланган ва ашёвий далил сифатида олиб қўйилган.
Ҳозирда ушбу ҳолат юзасидан божхона органлари томонидан дастлабки суриштирувлари олиб борилмоқда.
Изоҳ (0)