Миллатлар Лигаси. Англия сафарда Бельгияга имкониятни бой берди, Италия эса Польшадан устун келди

Футбол бўйича Миллатлар Лигасининг 5-туридан ўрин олган сўнгги учрашувлар 15 ноябрь, якшанба куни бўлиб ўтди.

Куннинг марказий ўйини Бельгия ва Англия терма жамоалари ўртасида кечди. Учрашувнинг 10-дақиқасидаёқ Юри Тилеманс мезбонларни олдинга олиб чиқди. 23-дақиқада Дрис Мертенс жарима зарбасини аниқ ижро этган ҳолда иккинчи голни урди. Ушбу ҳисоб ўйин якунига қадар сақланиб қолди.

Гуруҳнинг иккинчи ўйинида Дания терма жамоаси Кристиан Эриксеннинг дубли эвазига Исландияни таслим этди. Шу тариқа ярим финал тақдири сўнгги турда Бельгия ва Дания ўртасидаги учрашувда ҳал бўлади.

Италия терма жамоаси ўз уйида Польшани қабул қилди. Учрашувнинг 27-дақиқасида Жоржиньо пенальтини аниқ ижро этган ҳолда майдон эгаларининг дастлабки голини урди. 77-дақиқада меҳмонлар Яцек Гуралскининг четлатилишидан кейин бир ўйинчи кам бўлиб қолди. 83-дақиқада эса Италия иккинчи голини урди.

Ушбу ғалабадан кейин Италия очколарини 9 тага етказиб олган ҳолда А Лига 1-гуруҳида биринчи ўринга кўтарилди. Ундан кейин поғонада Нидерландия (8) бормоқда. Польшада эса 7 очко мавжуд.

Миллатлар Лигаси

5-тур баҳслари

15 ноябрь, якшанба

Бельгия — Англия 2:0

Голлар: 1:0 – 10 Тилеманс, 2:0 – 23 Мертенс.

Бельгия: Куртуа, Денаер, Алдервейрелд, Вертонген, Менье, Тилеманс, Витцель, Азар, де Брюйне, Лукаку, Мертенс (Прат, 83).

Англия: Пикфорд, Триппьер (Санчо, 70), Чилуэлл (Сака, 38), Уокер, Дайер, Маунт (Кэлверт-Льюин, 69), Райс, Грилиш, Ҳендерсон (Уинкс, 46), Мингз, Кейн.

Огоҳлантиришлар: Витцель (44), Алдервейрелд (51), Менье (54).

Италия — Польша 2:0

Голлар: 1:0 – 27, пенальти Жоржиньо, 2:0 – 83 Берарди.

Италия: Доннарумма, Ачерби, Флоренци (Ди Лоренцо, 89), Эмерсон, Бастони, Барелла, Локателли, Инсинье (аш-Шаарави, 89), Жоржиньо, Бернардески (Берарди, 64), Белотти (Окака Чука, 79).

Польша: Шченсни, Глик, Берешински, Беднарек, Рэтса, Lineтти (Милик, 74), Шиманьски (Зелиньски, 46), Юзвяк (Гросицки, 46), Криховяк, Модер (Гуралски, 46), Левандовски.

Огоҳлантиришлар: Криховяк (26), Белотти (29), Гуралски (62).

Четлатиш: Гуралски (77).

Венгрия — Сербия 1:1

Голлар: 0:1 – 17 Радонич, 1:1 – 39 Калмар.

Словения — Косово 2:1

Голлар: 0:1 – 58 Мурики, 1:1 – 62 Куртич, 2:1 – 90, пенальти Иличич.

Молдова — Греция 0:2

Голлар: 0:1 – 32 Фортунис, 0:2 – 41 Бакасетас.

Чехия — Исроил 1:0

Гол: 1:0 – 7 Дарида.

Австрия — Шимолий Ирландия 2:1

Голлар: 0:1 – 74 Маженнис, 1:1 – 81 Шауб, 2:1 – 87 Грбич.

Дания — Исландия 2:1

Голлар: 1:0 – 12, пенальти Эриксен, 1:1 – 85 Кяртанссон, 2:1 – 90, пенальти Эриксен.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!