«Тоттенҳэм» ҳужумчиси Ҳарри Кейн ўғрилардан жабр кўрди.
The Sun’нинг хабар қилишича, Ҳарри Кейннинг 100 минг фунтлик Range Rover автомобилини кундуз куни ўғирлаб кетилди. Жиноят Лондонда содир бўлган. Таъкидланишича, жиноятчилар Кейнни маълум вақт кузатиб борган, футболчи машинадан тушганидан сўнг эшик механизмини электрон мослама орқали бузган ва автомобилни олиб қочган.
Полиция Кейнга ўғриларни тутиш имконияти юқори эмаслигини маълум қилган, сабаби улар профессионал иш тутган. Манбага кўра, футболчи автомобилида қимматбаҳо буюмлар йўқлиги ва оила аъзолари бу воқеадан жабр кўрмаганидан мамнун.
Сўнгги ойларда «Тоттенҳэм»дан Деле Алли ва Ян Вертонген ўғрилик қурбонига айланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)