Испания футболи тарихи ва статистикаси тадқиқот маркази (CIHEFE) мамлакатнинг XXI асрдаги энг яхши клублари рейтингини маълум қилди.
Рейтингнинг биринчи поғонасидан «Барселона» (3465 очко) жой олди. Каталонлар бу борада Мадриднинг «Реал» (3347) ва «Атлетико»сидан (2149) устун бўлди.
«Барселона» шунингдек, совринлар борасида ҳам биринчи ўринни қўлга киритган — 34 та соврин. Кейинги ўриндаги «Реал»да бу вақт оралиғида 29 та соврин ютган.
Кейинги ўринларга қуйидаги жамоалар жойлашди: «Валенсия» (2 139), «Севилья» (1 992), «Вильярреал» (1 648), «Атлетик» (1 405), «Депортиво» (1 395), «Сельта» (1 164), «Эспаньол» (1 144), «Бетис» (1 137), «Реал Сосьедад» (1 108), «Малага» (1 035), «Хетафе» (1 028) ва «Мальорка» (1 009).
Жамоаларнинг 2000/01 йилги мавсумдан 2019/20 йилги мавсумга қадар қайд этган натижалари инобатга олинди ва у улар Халқаро футбол тарихи ва статистикаси федерацияси (IFFHS) тамойиллари бўйича ҳисоблаб чиқилди. Асосий эътибор совринларга эмас, ғалабали ўйинлар сонига қаратилди — ҳар бир ғалаба учун 9 балл берилган бўлса, дуранг учун 3 балл берилди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)