Президент Шавкат Мирзиёевнинг Қашқадарё вилоятига ташрифи давомида бўлиб ўтган фаоллар йиғилишида вилоятда сувга масъул раҳбарлар фаолияти танқид қилинди ва барчаси ишдан олиниши лозимлиги таъкидланди, дея хабар берди «Дарё» манбаси.
Маълум бўлишича, давлат раҳбарининг вилоятдаги сув тақсимотидан кўнгли тўлмаган.
«Вилоятдаги экинларни суғоришга 20-25 фоиз кўп сув сарфланган. Нимага ер шўрланган? Нимага десангиз, сувнинг ҳисоби йўқ. Ўзи таҳлил қилинса, Ўзбекистон шароитидан энг қиммат нарса бу — сув. Айниқса, Қашқадарё вилоятида. Вилоятдаги ерларга ўзимиз кўп сув бериб шўрлантиряпмиз. Нимага десангиз, сув хўжалигининг на бирорта раҳбари бор, на ўз устида ишлаши бор, жаноб Ҳамраев, (сув хўжалиги вазири) на фикри. Юрибсан бу ноинсофлар билан сув хўжалигига катта-катта бинолар қуриб. Умринг узоқ бўлмайди агар Қашқадарёда Қорақалпоғистонда айтган нарсанг бўлмаса. Менга қоровул бўладиган вазир керак эмас», — деган Шавкат Мирзиёев.
Давлат раҳбарининг маълумот беришича, вилоятда ерларни нотўғри суғориш оқибатида мавжуд экин майдонларининг 45 фоизи шўрланган. Айниқса, бу борада Муборак, Ғузор, Нишон ва Косонда аҳвол жуда оғир. 38 минг гектар майдон фойдаланишдан чиқиб кетган. Томчилатиб суғориш жами суғориладиган майдоннинг бор-йўғи 2,4 фоизида жорий қилинган.
Президент сув хўжалиги вазири Шавкат Ҳамраевга Қашқадарёда сувга масъул раҳбарларни ишдан олишни буюрган.
«Эски ишламайдиган одамларни сувга раҳбар қилиб қўйиб, ура-ура қилиб юрсанг, сениям ҳайдавораман, уларниям. Менга керак эмас бунақа раҳбарлар. Ёшларни олиб келиб қўяман. Ҳамманг катта-катта ойлик олиб юрибсан, аммо натижа йўқ. Эртага халққа нима деб жавоб берамиз. Ҳаммасини ишдан оласан, жаноб Ҳамраев, ҳаммасини. Ишлайман деган одамни қўясан сувга», — деган Президент.
Давлат раҳбари бош вазирнинг аграр ва озиқ-овқат соҳаларини ривожлантириш масалалари бўйича ўринбосари Шуҳрат Ғаниевга мурожаат қилиб, вилоятда сувга масъул раҳбарни тайинлашда ўзбошимчалик қилинганини таъкидлаб, Қашқадарёда ҳам Қорақалпоғистонда қилинган иш бажарилмаса, унга ҳам чора кўришини маълум қилган.
«Ғаниев, агар Қашқадарёда ҳам Қорақалпоғистондаги ҳолат бўлмаса, сенинг ҳам чорангни кўраман», — деган Шавкат Мирзиёев.
Эслатиб ўтамиз, айни кунда Қашқадарёда сув хўжалигининг масъули сифатида Илҳом Қурбонов фаолият юритади.
Шавкат Мирзиёевнинг Қашқадарёга ташрифига доир хабарлар:
- Қашқадарёдаги пахсадан қурилган мактабларни қайта қуриш ва таъмирлаш учун республика бюджетидан 250 млрд сўм ажратилади
- Шавкат Мирзиёевнинг Қашқадарёга ташрифи давомида вилоят ҳокими ўринбосари ишдан олинди. Касби ҳокими ва сектор раҳбарлари фаолияти қониқарсиз баҳоланди
- «Президентимиз жамоамизнинг ҳар бир аъзосига 5 минг доллардан мукофот пули берилишини айтди» – қаршилик ёш тадбиркор билан суҳбат
- «Қашқадарё эли шунга муносибми?» Шавкат Мирзиёев вилоят ўз салоҳиятига мос яшамаётганини кескин танқид қилди
- Шавкат Мирзиёев Қарши шаҳридаги Корхоналарни соғломлаштириш ва хусусийлаштириш клиникасига ташриф буюрди
- «Таълимдаги ишлар ҳам, тиббиётдаги ҳам игна билан қудуқ қазишдек гап» — Шавкат Мирзиёев
- Шавкат Мирзиёев Қашқадарёда «оғир аҳволда»ги мелиорация, картошкачилик, узумчилик учун дастурий маҳсулотлар ишлаб чиқишни таклиф қилди
- Шавкат Мирзиёев Қашқадарёнинг пахта етиштирадиган тўққизта туманида Шаҳрисабз шаҳридагидек тўқимачилик комбинатлари ташкил этиш ҳақида топшириқ берди
- Шавкат Мирзиёев Қарши шаҳрининг «Наво» маҳалласида қурилаётган янги мавзени кўздан кечирди
- «Фарғона 450 млн доллар, Қашқадарё эса 90 млн». Шавкат Мирзиёев икки вилоятнинг мева-сабзавот экспортидаги даромадини таққослади
Изоҳ (0)