Bugun,

  • USD 11095.31
  • RUB 173.84
  • EUR 10772.44

Prezident Shavkat Mirziyoyev Qashqadaryo viloyati faollari, mahalliy kengash deputatlari, vazirlik va idoralar rahbarlari ishtirokidagi yig‘ilishda viloyatning meva-sabzavot eksportidan daromadi pastligi haqida gapirib, viloyatda qishloq xo‘jaligi abgor ahvolda ekanligini bildirdi.

Foto: Prezident matbuot xizmati

Foto: Prezident matbuot xizmati

Davlat rahbarining ma’lumot berishicha, viloyatda yerlarni noto‘g‘ri sug‘orish oqibatida mavjud ekin maydonlarining 45 foizi sho‘rlangan. Ayniqsa, bu borada Muborak, G‘uzor, Nishon va Kosonda ahvol juda og‘ir. 38 ming gektar maydon foydalanishdan chiqib ketgan. Tomchilatib sug‘orish jami sug‘oriladigan maydonning bor-yo‘g‘i 2,4 foizida joriy qilingan.

Shavkat Mirziyoyev viloyatda yerlardan foydalanish unumdorligi pastligi haqida gapirib, bosh vazirning agrar va oziq-ovqat sohalarini rivojlantirish masalalari bo‘yicha o‘rinbosari Shuhrat G‘aniyevdan Farg‘onaga rahbarlik qilgan paytida viloyat meva-sabzavot eksportidan qancha daromad olganini so‘radi.

Shuhrat G‘aniyevdan 450 million dollar, degan javobni eshitgan prezident Zoir Mirzayevdan Qashqadaryo qancha meva-sabzavot eksport qilayotganini so‘radi.

“Qashqadaryo 90 million dollar ekan. Vaholanki, Qashqadaryo viloyatidagi yerlarga Farg‘onadagi yerlarga nisbatan ikki baravar ko‘p suv beriladi. Mana natija”, — dedi Shavkat Mirziyoyev.

Yig‘ilishda ma’lum qilinishicha, o‘tgan yili viloyatda paxta hosildorligi gektariga 19 sentnerni tashkil qilgan.

“Hatto Qoraqalpog‘istonda bu ko‘rsatkich 17 sentnerni ko‘rsatgan. Qoraqalpog‘iston va Qashqadaryo yerlarining unumdorligida farq bormi? Viloyatda qishloq xo‘jaligi mahsulotlarini yetishtirishda ilmiy asos va innovatsion yondashuv yo‘q, viloyat iqlim sharoitiga mos yangi navlar yaratilmagan. Shuning uchun og‘ir bo‘lsa-da, viloyatning qishloq xo‘jaligi sohasidagi salohiyatini oshirish uchun 675 million dollar pul beramiz. Ammo ertaga natijani ko‘ramiz”, — dedi davlat rahbari.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?