Bugun,

  • USD 11095.31
  • RUB 173.84
  • EUR 10772.44

Prezident Shavkat Mirziyoyev Qashqadaryo viloyati faollari, mahalliy kengash deputatlari, vazirlik va idoralar rahbarlari ishtirokidagi yig‘ilishda Zoir Mirzayevning o‘rinbosari ishdan olinganini ma’lum qildi. Bu haqda “Daryo” manbasi xabar berdi.

Foto: Prezident matbuot xizmati

Foto: Prezident matbuot xizmati

Ta’kidlanishicha, Prezident viloyat hokimining investitsiyalar, innovatsiyalar, xususiylashtirilgan korxonalarga ko‘maklashish, erkin iqtisodiy va kichik sanoat zonalari hamda turizmni rivojlantirish masalalari bo‘yicha o‘rinbosari Oybek Shazagatov faoliyatidan qoniqmagan.

Kasbi tumani hokimi To‘xtamurod Meyliyev boshchiligidagi sektor rahbarlari fikrini tinglagan davlat rahbari tumandagi ishlarni qoniqarsiz deb baholagan.

“Har haftaning payshanba kuni tadbirkorlarni tinglab, ularning muammosini hal etyapman”, degan hokimga prezident tuman rahbarlariga tadbirkorlar bilan uch kun muloqot qilishni buyurganini eslatib, “Tadbirkorlarni nega faqat bir kun eshitasan? Tadbirkorlarni eshitib, ularning muammosini hal qilishdan boshqa yana qanday zarur ishlaring bor?”, degan.

Foto: Prezident matbuot xizmati

Foto: Prezident matbuot xizmati

Videoselektorda Shavkat Mirziyoyev Kasbi tumani rahbarlari ishidan qoniqmayotganini bildirib, ularni yig‘ilish davomida ishdan olganini, agar mas’ullar ularga kafil bo‘lib Kasbida o‘zgarishlar qilinishiga ishonsa, To‘xtamurod Meyliyev boshchiligidagi rahbarlarni lavozimida qoldirishini aytgan.

Eslatib o‘tamiz, Shavkat Mirziyoyev hududda ko‘p yillar davomida yig‘ilib qolgan muammolar yechimini topish, ijtimoiy-iqtisodiy sohalar rivojiga turtki berish, shu boradagi yangi vazifalarni belgilash maqsadida 12-noyabr kuni Qashqadaryoga jo‘nab ketgandi. Yig‘ilish avvalida esa viloyat o‘z salohiyatiga mos yashamayotganini keskin tanqid qilgan.

Izoh
Asosiy yangiliklar
Iqtisodiyot
O‘zbekistonda 2022-yilda o‘rtacha oylik ish haqi qancha bo‘lgani ma’lum qilindi
Mahalliy
O‘zbekistonda so‘nggi olti yilda 122 ta yangi universitet va institut ochilgan. 2016-yilgacha ularning soni 77 ta edi
Dunyo
Pokistondagi masjidda xudkush terrorchi o‘zini portlatib yubordi, 25 kishi halok bo‘ldi (video)