Англия Премьер Лигасида ҳаракат қилувчи футболчи жинсий зўравонлик ва ноқонуний йўл билан одамни тутқунликда сақлаш каби гумонлар билан 11 ноябрь, чоршанба куни ҳибсга олинди.
Daily Mail’нинг хабар қилишича, исми ошкор этилмаётган футболчининг ёши 20 дан катта бўлиб, у қизни ўз уйида тутқунликда сақлаган ва уни зўрлаган.
Воқеа 2020 йилнинг октябрида рўй берган, бироқ полиция футболчини энди ҳибсга олган.
Айни вақтда тергов ҳаракатлари амалга оширилмоқда. Футболчи сўроқлардан кейин қўйиб юборилган.
Футболчи ва қиз полиция етиб келган вақтда бир жойда бўлган, шу сабаб улар коронавирус қоидаларини бузганликда айбланиб, жаримага тортилган.
Ҳибсга олинган ўйинчи қандайдир қонунбузарликка йўл қўйганини тан олмаяпти. Ҳозирча полиция томонидан ҳеч қандай айблов қўйилмаган, дея хабар қилмоқда The Independent.
Daily Mail футболчининг шахсини билади, бироқ юридик сабабларга кўра уни ошкор қила олмайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)