ПСЖ клуби ҳужумчи Килиан Мбаппе билан амалдаги шартномани узайтириш устида ишламоқда, «Реал» эса вазиятни диққат билан кузатмоқда.
21 ёшли франциялик футболчининг парижликлар билан келишуви 2022 йилнинг ёзига қадар мўлжалланган. «Реал» агар ПСЖ янги шартнома борасида келишувга эриша олмаса, ёзда футболчини қўлга киритишига ишончи комил.
Мадридликлар трансфер тахминан 180 миллион еврога айланишини кутмоқда.
АS хабарига кўра, Мбаппе уч марта ПСЖнинг янги битим борасидаги таклифини рад этган. Футболчи товон пули ҳақидаги банд киритилган тақдирдагина янги шартномани имзолаши мумкин.
Бу қадам «Реал» учун муаммо туғдириши мумкин, сабаби товон пули «қаймоқранглилар» мўлжалидаги 180 миллион евродан анча кўп бўлиши аниқ.
Аввалроқ ПСЖ Килиан учун умумий 150 миллион маошга эга 5 йиллик битим таклиф қилгани хабар қилинганди.
Мбаппе Лига 1 2020/21 йилги мавсумида олтита ўйин ўтказиб, 7 гол ва тўртта голли узатма муаллифига айланди. Айни дамда футболчи жароҳатини тиклаш билан банд.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)