«Реал» қишки трансфер ойнасида иккита харидни амалга оширмоқчи.
Goal нашрининг хабар қилишича, мадридликлар клуби «Боруссия Д»дан Эрлинг Ҳоландни ва «Ренн»дан Эдуардо Камавингани сотиб олмоқчи.
Норвегиялик ҳужумчи — «Реал»нинг асосий мақсади ва мадридликлар бу борада «Боруссия» билан алоқага чиққан. Агар «Боруссия Д» Чемпионлар Лигаси плей-офф босқичига чиқа олмаса, Ҳоланд учун 75 миллион еврога қўшиб ҳужумчи Лука Йовични икки йилга ижарага бериш варианти таклиф қилинади.
«Ренн» Камавинга учун 60 миллион евро сўрамоқда. «Реал» эса 50 миллион евро ва ҳужумчи Мариано Диасни таклиф қилмоқчи (сотиб олиш ҳуқуқи билан ижара ёки тўлиқ трансфер).
20 ёшли Ҳоланд Бундеслига 2020/21 йилги мавсумида 6 ўйин ўтказиб, 6 гол ва битта голли узатма муаллифига айланди. 18 ёшли Камавинга эса Франция чемпионатида 8 та ўйин ўтказиб, биттадан гол ва голли узатма муаллифига айланди.
Аввалроқ «Реал» ёзда бўлгани каби қишки трансфер ойнасида ҳам харидларга қўл урмаслиги хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)