Ўзбекистон Экология ва атроф муҳитни муҳофаза қилиш давлат қўмитаси раиси лавозимига Алишер Мақсудов номзоди Қонунчилик палатаси депутатлари томонидан маъқулланди. Бу ҳақда қўмита матбуот хизматига таяниб,«Gazeta.uz» хабар берди.
Алишер Мақсудов 1996 йилда Тошкент енгил саноат ва тўқимачилик институтини ва 2003 йилда Тошкент давлат иқтисодиёт университетини битирган.
Алишер Мақсудов 2014—2015 йилларда ташқи иқтисодий алоқалар, инвестициялар ва савдо вазири ўринбосари, 2015—2017 йилларда «Ўзпахтасаноатекспорт» холдинги раисининг биринчи ўринбосари лавозимида ишлаган. У 2017 йилдан бери «Ўзпахтасаноат» АЖ бошқаруви раиси лавозимида ишлаб келаётган эди.
Эслатиб ўтамиз, Экология ва атроф муҳитни муҳофаза қилиш давлат қўмитасининг собиқ раҳбари Шавкатжон Абдураззоқов сентябрь ойида Наманган вилояти ҳокими вазифасини бажарувчи этиб тайинланганди.
Изоҳ (0)