Моҳир Валиев Давлат солиқ қўмитаси ҳузуридаги Кадастр агентлигининг Давлат кадастрлари палатаси раиси этиб тайинланди. Бу ҳақда агентлик матбуот хизмати хабар берди.
Маълум қилинишича, Моҳир Валиев 28 октябридаги буйруқ билан Кадастр агентлигининг Давлат кадастрлари палатаси раиси лавозимига тайинланган.
Моҳир Валиев 2020 йил январдан буён Давлат кадастрлари, геодезия ва картография миллий маркази директори вазифасида фаолият юритиб келаётган эди.
Эслатиб ўтамиз, Шавкат Мирзиёевнинг 2020 йил 7 сентябрдаги фармони билан «Давергеодезкадастр» Кадастр агентлигига айлантирилди. Кейинроқ Ҳалилилло Тўрахўжаев агентлик директори этиб тайинланди. Шунингдек, Давлат кадастрлари, геодезия ва картография миллий маркази негизида давлат муассасаси шаклида Давлат солиқ қўмитаси ҳузуридаги Кадастр агентлигининг Давлат кадастрлари палатаси ташкил этилган.
Изоҳ (0)