Сирдарёнинг Боёвут туманида ёш келин-куёв ис газидан заҳарланиб вафот этди, деб хабар бермоқда «Сирдарё хабарлари».
Боёвут тумани Ички ишлар бўлими навбатчилик қисмининг 6 ноябрь куни соат 13:35 ларда берган хабарига кўра, туманнинг «Қаропчи» маҳалласида яшовчи 25 ёшли Ш.М. ҳамда унинг 21 ёшли турмуш ўртоғи Д.М. қўлбола усулда ясалган печдан чиққан из газидан кучли заҳарланиб, уйида вафот этган.
Судга оид тиббиёт экспертизасининг дастлабки маълумотига кўра, эр-хотиннинг ўлими ис газидан заҳарланиш оқибатида келиб чиққанлиги қайд этилган.
Ҳолат юзасидан Боёвут тумани прокуратураси томонидан терговга қадар текширув ўтказилмоқда.
Қайд этилишича, вафот этган марҳум ва марҳумаларнинг турмуш қурганига ҳали бир ой ҳам бўлмаган.
Аввалроқ Самарқандда ис газидан ёш эр-хотин вафот этганди, Улар воқеадан икки кун аввал турмуш қурган бўлган.
Изоҳ (0)