Ўзбекистонда ҳаракатланиш тезлиги соатига 40 километрдан ошадиган электроскутер ва электромотоцикллар давлат рўйхатидан ўтказиладиган бўлди. Бу ҳақда «Халқ сўзи online» хабар берди.
Маълум қилинишича, ҳукумат қарори билан Жисмоний ва юридик шахсларга автотранспорт воситалари учун рўйхатдан ўтказиш давлат рақами белгиларини оширилган тўлов ставкалари бўйича беришда «Ўзбекистон республика товар-хом ашё биржаси» ахборот тизимида аукцион ўтказиш тартиби тўғрисидаги низомга ўзгартиришлар киритилди.
Қарор билан киритилган ўзгартиришга кўра, эндиликда электродвигателининг қуввати 4 киловатт ва ундан ортиқ ёки соатига 40 километр ва ундан юқори тезликка эга бўлган электромобиллар (электромотоцикллар, электроскутерлар ва бошқалар) ҳам давлат рўйхатидан ўтказилади.
Изоҳ (0)