Навоий вилоятида темир йўл изидан костел қозиқлар ва бошқа нарсаларни олиб кетмоқчи бўлган шахс ушланди, дея хабар бермоқда ИИВ.
Маълум қилинишича, 2020 йилнинг 2 ноябрь куни соат 18:30 да Навоий вилоят ИИБ Транспортда хавфсизликни таъминлаш бошқармасига ҲПБдан маълумот келиб тушган.
Унга кўра, 2 ноябрь куни Навоий–Тинчлик темир йўл бекатлари оралиғининг 4-5 километрида Навоий темир йўл транспорти ДУКга қарашли темир йўл изларидан Навоий вилояти Кармана тумани «Кўҳнақўрғон» маҳалласида яшовчи, 2000 йилда туғилган М.Ш. 5 дона костел қозиқлар ва 2 дона темир йўл «подкладка»сини яширин равишда талон-торож қилиб олиб кетмоқчи бўлган вақтида ушланган.
Айбланувчига нисбатан тегишли тартибда ҳужжатлар расмийлаштирилган. Ҳолат юзасидан суриштирув ишлари давом этмоқда.
Аввалроқ Самарқандда Афросиёб поезди йўлига тош қўйган шахс мактаб ўқувчиси ва Самарқандда темир йўл рельсига тош қўйиб қўйган 40 ёшли эркак аниқлангани хабар қилинганди.
Изоҳ (0)