Аралаш жанг санъатлари спорт (MMA) тури бўйича UFC промоушенининг икки вазн тоифасидаги собиқ чемпиони Конор Макгрегорнинг UFC’даги фаолияти давомида қанча маблағга эга бўлгани ҳисоблаб чиқилди. Бу ҳақда The Sun хабар бермоқда.
Конор UFC’даги илк жангини 2013 йилда ўтказган. Промоушен байроғи остидан дастлабки 6 та жангида ирландиялик спортчи жами 500 минг доллардан кўпроқ маблағга эга бўлган. Ярим енгил вазн тоифасидаги дастлабки камар учун кечган жанги орқали 1 миллион долларни қўлга киритган. Ушбу жангда Конор америкалик Нейт Диас билан жанг қилганди. Диас билан реванш жанги учун эса Макгрегорга 3 миллион доллар берилган. Чед Мендес ва Жозе Алдога қарши жанглардан бир хил 500 минг доллардан олган.
Ҳабиб Нурмагомедов билан жангдан ютқазганига қарамай 3 миллион долларга эга чиққан. Ўзининг UFC’даги сўнгги жанги учун (Дональд Серронега қарши) эса 5 миллион доллар олган. Қайд этиш жоиз, Макгрегор ушбу жангда Серронени 40 сония ичида нокаутга учратган эди.
Шу тариқа Конор Макгрегорнинг UFC’да ишлаб топган жами маблағи 15 миллион долларни ташкил этган. Бунда телевидение бонуслари ҳамда пулли трансляциялар улушлари ҳисобга олинмаган.
Маълумот учун, ирландиялик спортчи MMA’даги фаолияти давомида 22 та жангда ғалаба қозонган, 4 та жангда эса мағлуб бўлган. UFC байроғи остидаги жанглари сони 12 тани ташкил этади.
Аввалроқ Ҳабиб Нурмагомедовнинг MMA’даги фаолияти давомида қанча маблағ ишлаб топгани ҳақида хабар берилганди.
Мавзуга доир: Ҳабиб Нурмагомедовнинг MMA’даги фаолияти давомида қанча маблағ ишлаб топгани маълум бўлди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)