Профессионал бокснинг оғир вазн тоифасида рингга чиқаётган Олександр Усикнинг (18-0, 13 КО) Дерек Чисорага (32-10, 23 КО) қарши жангдан қанча маблағ ишлаб олгани Total Sport нашри томонидан эълон қилинди.
Унга кўра, Усик ушбу жангдан 1,9 миллион доллар кафолатланган гонорарга эга бўлган. Дерек Чисора эса Усикдан қарийб уч баробар кўпроқ — 5,2 миллион доллар ишлаб олган.
Қайд этиш жоиз, бунда телевидение бонуслари ҳамда пулли трансляциядан тушадиган қўшимча маблағлар ҳисобга олинмаган.
Эслатиб ўтамиз, 31 октябрь куни Усик оғир вазн тоифасидаги иккинчи жангида Чисора билан рингга чиқиб, рақибини очколар эвазига таслим этганди. Натижада Олександр WBO камари учун мажбурий даъвогарга айланди.
Украиналик боксчининг навбатдаги рақиби оғир вазн тоифасида WBA, WBO, IBF, ИБО камарлари соҳиби Энтони Жошуага қарши кечиши кутилмоқда.
Маълумот учун, Усик биринчи оғир вазн тоифасида мутлақ чемпион бўлган. Шундан сўнг бир вазн тепага, яъни оғир вазн тоифасига ўтишга қарор қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)